Wararka ka imanaya magalada Baydhabo ayaa sheegaya in hal ruux uu ku geeriyooday 15 kalana uu ku dhaawacmay magaalada Baydhabo ee xarunta gobalka Bay.
Shilkaan ayaa ka dhacay bartamaha magaalada Baydhaba, waxaana dhammaan dadka ku dhaawacmay yihiin shacab, iyadoo qofka dhintay ay ahayd haweeney ganacsato ah..
Isbitaalka magaalada Baydhabo ayaa la geeyay dhammaan dadkii dhaawaca ahaa, iyadoo qaarkood lasoo sheegayo in xaaladooda ay liidato.
Shilkani ayaa yimid markii gaari kuwa xamuulka qaada ah uu ku fariin goostay dad u badan ganacsato oo mehrado ku lahaa hareeraha laamiga mara bartamaha magaalada Baydhaba.
Shilkan ayaa sidoo kale sababay qasaare hantiyeed kadib markii uu gaarigu burburiyay goobo ganacsi oo ku yaal bartamaha magaalada Baydhabo.
No comments:
Post a Comment